ΒΕΛΗ ΚΑΙ... ΒΕΛΑΚΙΑ

>>> Μην με παρεξηγήσετε >>> αλλά ο τρόπος παρουσίασης από τα ΜΜΕ >>> του πολέμου στην Ουκρανία και των επιπτώσεών του >>> θυμίζει τηλεοπτική εκπομπή, με τοποθέτηση προϊόντος >>> και το προϊόν είναι το αμερικανικό LNG >>> το "καλό", το ακριβό, το αμερικάνικο LNG....
__________________________________________________________________________________________________

Πέμπτη 23 Μαρτίου 2017

Ἡ ἐπιχείρησις ΙΚΕΑ κακῶς ἀκούει ἐν τῷ Ἰσραῆλ

Ἡ ἐπιχείρησις ΙΚΕΑ, ἣ διὰ πάσης τῆς οἰκουμένης σκεύη πωλεῖ, κακῶς ἤκουσε νεωστὶ ἐν τῷ Ἰσραῆλ, οὗ τρία καπηλεῖα ἔχει. ἆρα διὰ τί; διότι αὕτη ἡ ἐπιχείρησις νέον κατάλογον διένειμεν. ἀλλὰ τί ἔχων οὗτος ὁ κατάλογος πολλοὺς πολίτας ὤργισεν;

ἐὰν ἐρωτῶμεν ὅ τι ἔχει, τὴν ὀρθὴν ἀπόκρισιν οὐχ εὑρήσομεν, δεῖ γὰρ ἐρωτᾶν ὅ τι ὁ κατάλογος οὐκ ἔχει. τί δὲ οὐκ ἔχει; κόρας τε καὶ γυναῖκας, ἔξεστι γὰρ ἰδεῖν μόνον νεανίας τε καὶ ἄνδρας ἐν ταῖς φωτογραφίαις.

οὐ μὲν πολὺς χρόνος ἐξ οὗ ἄνδρες τινὲς ἐν μικρᾷ κώμῃ οὗ μόνον ὑπερορθόδοξοι οἰκοῦσι τοὺς τῆς ΙΚΕΑ καταλόγους ἐκ τῶν γραμματοκιβωτίων ἐκλαβόντες ἀπέρριψαν ἅτε φωτογραφίας ἔχοντας αἳ γυναῖκάς τε καὶ κόρας ἐδείκνυσαν, ἔδοξε δὲ τότε τοῖς τῆς ΙΚΕΑ ἄρχουσιν, τοῦτο τὸ τοῦ δήμου μέρος προσάγειν βουλομένοις, νέον κατάλογον ποιεῖν μόνον ἄνδρας δεικνύντα, ὃν ἤδη πάντες “τὸν kosher κατάλογον“ καλοῦσιν· τοῦ δὲ καταλόγου ἐπιφανέντος καὶ πολλῶν κοινωνιῶν αἳ ὑπὲρ τῶν τῆς γυναικὸς δικαίων μάχονται αὐτίκα ἐνισταμένων, ἡ ἐπιχείρησις εἶπεν ἀποκριναμένη ὅτι οὗτος ὁ κατάλογος μόνον διὰ τῶν δήμων οὗ ὑπερορθόδοξοι οἰκοῦσι διενεμήθη.

akwn.net

0 Σχόλια:

Δημοσίευση σχολίου

Σχόλια και παρατηρήσεις