Καταδίκη ἐν τῇ Ταιλανδίᾳ

Οἱ δικασταὶ κατεδίκασαν νεωστὶ ἀνθρώπου τινὸς ἅτε τὸν τῆς χώρας βασιλέα ἐν τῷ Facebook ὑβρίσαντος. ὁ φεύγων, οὗ τὸ ὄνομα οὐκ ἴσμεν, πέντε ἐπιστολὰς ἐν τῷ Facebook ἐγεγράφει ἐν οἷς ἐπὶ τὸν βασιλέα λόγους τινὰς ἔλεγεν. λέγεται ὅτι ὁ ἄνθρωπος, πεντήκοντα καὶ ὀκτὼ ἔτη γεγονώς, ἐπιχειρηματίας μέν ἐστι, τυγχάνει δὲ κοινωνὸς τοῦ συλλόγου “Ἐρυθρὰ Ὑποκάμισα“ καλουμένου ὤν, ὃς
τῇ μοναρχίᾳ ἀνθίσταται. πρῶτον μὲν ἔδοξε τοῖς δικασταῖς, πᾶσι στρατηγοῖς οὖσιν, τοῦ ἀνθρώπου καταγνῶναι δέκα ἔτη καθ' ἑκάστην ἐπιστολήν, πεντήκοντα ἔτη καθόλου, τέλος δὲ ἐδέξαντο μόνον τὸ ἥμισυ τῆς κολάσεως ἐπιθεῖναι. ὁ βασιλεύς, ὀγδοήκοντα καὶ ἑπτὰ ἔτη γεγονώς, τιμᾶται ὑπὸ τῶν πλείστων τῶν πολιτῶν, οἳ αὐτὸν ὡς παράδειγμα θεῶνται.

http://www.akwn.net/