Δεινοτάτη τρομοκρατικὴ ἐπιβολὴ ἐν τῇ Τουρκίᾳ

97 ἄνθρωποι ἀπέθανον καὶ 186 ἐτρώθησαν χθὲς τῷ Σαββάτῳ πρωὶ ἐν τῇ πόλει Ἀγκάρᾳ, δυοῖν ἀνατινάξεων γιγνομένων. πολλῶν πολιτῶν πρὸς διαδήλωσιν ἐγγὺς τοῦ σιδηροδρόμου σταθμοῦ γενησομένην συνιόντων, ἐξαίφνης δυο βόμβαι ὀλίγου δεῖν ἅμα ἀνετίναξαν. οἱ διαδηλωταὶ ἐβούλοντο τῷ πρὸς τοὺς Κούρδους καὶ πρὸς τὸ ΠΠΚ πολέμῳ ἐνίστασθαι.
οὐκέτι ἐξὸν ἀκριβῶς εἰδέναι ὅστις ἀληθῶς
τὴν αἰτίαν ἔχει, ἡ Τουρκικὴ ἀρχὴ τὸ Ἰσλαμικὸν Κράτος τῆς τρομοκρατικῆς ἐπιβολῆς αἰτιᾶται.

τῇ πρώτῃ ἡμέρᾳ τοῦ Νοεμβρίου ἀρχαιρεσιῶν γενησομένων ἐν τῇ Τουρκίᾳ, τὸ ΠΠΚ ἤδη ἐκεχειρίαν ἠγγέλκει ἅτε οὐ βουλόμενον ἐμποδὼν ταῖς ἀρχαιρεσίαις εἶναι· ὅμως δὲ ἡ τοῦ Ἐρδογὰν ἀρχὴ διατελεῖ τοῖς τῷ ΠΠΚ κατασχημένοις χωρίοις κατὰ γῆν καὶ κατὰ ἀέρα ἐπιτιθεμένη.
akwn.net